რუსეთის ფედერაციის კურსკის ოლქში უკრაინის თავდაცვის ძალების ოპერაცია გრძელდება და ფრონტის ხაზიდან კურსკის მიმართულებით, დაახლოებით, 40 000 რუსი სამხედრო გადაიყვანეს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„ჩვენ უკვე მოვახერხეთ ის, რომ ამ მიმართულებით 40 000 რუსი სამხედრო მოსამსახურე გადაამისამართეს. მადლობას ვუხდი ჩვენს ყველა საბრძოლო ბრიგადას, თითოეულ ჯარისკაცს, სერჟანტს, ყველა მეთაურს მათი სიმამაცისთვის“, - აღნიშნა ზელენსკიმ.

მისი თქმით, უკრაინელმა დამცველებმა ახლა მოახერხეს დონეცკის ოლქში რუსების თავდასხმის პოტენციალის შემცირება, თუმცა ფრონტზე სიტუაცია კვლავ მძიმეა.

„სიტუაცია რჩება უკიდურესად მძიმე, მძიმე ბრძოლები ყოველდღე – კურახოვის მიმართულება, პოკროვსკის მიმართულება“, - განაცხადა ზელენსკიმ.