უკრაინელებმა რუსების მიერ გაშვებული 5 რაკეტა და 11 დრონი ჩამოაგდეს, - ამის შესახებ ინფორმაციას უკრაინის საჰაერო ძალები ავრცელებს.

უკრაინის საჰაერო ძალების ცნობით, სულ, რუსულმა ძალებმა უკრაინის მიმართულებით 25 საჰაერო ობიექტი გაუშვეს.

რუსულმა ძალებმა დნეპროპეტროვსკის ოლქს 4 „ისკანდერ-მ“ ბალისტიკური რაკეტითა და ხუთი Х-59/69 მართვადი რაკეტით დაარტყეს.

უკრაინის საჰაერო თავდაცვა დნეპროპეტროვსკის, კიროვოგრადის, სუმის, პოლტავის, ოდესისა და ნიკოლაევის ოლქებში მოქმედებდა.