ლეგენდების ამხანაგურ მატჩში, რომელიც საქართველოს ნაკრებსა და „მილანს“ შორის მიმდინარეობს, ანგარიში გათანაბრდა.

შეხვედრის მეორე გოლი „მილანის“ ფეხბურთელმა მარკო ბორიელომ გაიტანა.

მანამდე, შეხვედრის პირველ ნახევარში საქართველოს ნაკრებს პირველი გოლით უპირატესობა გიორგი დემეტრაძემ მოუტანა.

ცნობისთვის, თბილისში, მიხეილ მესხის სახელობის სტადიონზე საქართველოს ნაკრებისა და „მილანის“ ლეგენდების ამხანაგური მატჩი მიმდინარეობს.

ამხანაგურ შეხვედრაში „მილანის" ძველი თაობის ფეხბურთელები: კაკა, რივალდო, სერჟინიო, ზეედორფი, კაფუ და სხვები მონაწილეობენ.

რაც შეეხება საქართველოს ნაკრებს, კახა კალაძე, ლევან კობიაშვილი, გიორგი ქინქლაძე, შოთა არველაძე, მიხეილ ყაველაშვილი და სხვები თამაშობენ.