ირანმა სამხედრო აღლუმზე თავისი ახალი ბალისტიკური რაკეტა და თავდასხმის დრონი წარმოადგინა, - ინფორმაციას ირანის სახელმწიფო მედია ავრცელებს.

„დღეს ჩვენი თავდაცვა და შეკავების პოტენციალი იმდენად გაიზარდა, რომ ვერც ერთი დემონი ჩვენი ძვირფასი ირანის წინააღმდეგ აგრესიაზე ვერ კი იფიქრებს“, - ციტირებს სახელმწიფო სააგენტო IRNA ქვეყნის პრეზიდენტს მასუდ პეზეშკიანს.

IRNA-ს ცნობით, ახალ რაკეტა Dschihad-ს, რომელიც შეიმუშავა და გამოუშვა ისლამური რევოლუციის გვარდიის კორპუსის საჰაერო კოსმოსურმა დეპარტამენტმა, შეუძლია დაფაროს ათას კილომეტრამდე მანძილი.

ამასთან, მათი მტკიცებით, Shahed-136 ტიპის დრონის მოდიფიცირებული ვერსიის - Shahed-136B-ის - ფრენის დიაპაზონი 4 000 კილომეტრზე მეტია.

შეგახსენებთ, დასავლეთის ქვეყნები, მათ შორის შეერთებული შტატები, აცხადებს, რომ ირანმა რუსეთს მცირე რადიუსის ბალისტიკური რაკეტები გადასცა, რომელსაც რუსები უკრაინის წინააღმდეგ ომში იყენებენ. თავის მხრივ, ოფიციალური თეირანი ამტკიცებს, რომ მოსკოვისთვის არც ბალისტიკური რაკეტები და არც დრონები არ მიუწოდებია.