ჩვენი ამოცანაა, ხალხი დავარწმუნოთ იმაში, რომ აუცილებელია 26 ოქტომბერს ცვლილება მოხდეს და ძლიერი საქართველოს მშენებლობა დავიწყოთ, - ამის შესახებ კოალიცია „ძლიერი საქართველოს“ ერთ-ერთმა ლიდერმა, ანა დოლიძემ განაცხადა.

მისი შეფასებით, ისევე როგორც დანარჩენი საქართველო, ახმეტაც ხელისუფლებისგან მიტოვებულია.

„ელემენტარული შემოსავალიც პრობლემაა, რამდენჯერ უნდა აყარონ გზა, რომ მერე წყალი გაიყვანონ და ფული გააკეთონ. 12 წლის განმავლობაში სამუშაო ადგილებისთვის ერთი დიდი პროექტი არ გაკეთება. აქ ყურძნის მოსავალი მოდის, მაგრამ ამასობაში ჩალის ფასი აქვს და მოსახლეობისთვის შემოსავალს არ წარმოადგენს, არადა, ეს არის რეგიონი, რომელიც ტურიზმით, სოფლის მეურნეობით უმდიდრესი იყო. ჩვენი ამოცანაა, ხალხი დავარწმუნოთ იმაში, რომ აუცილებელია 26 ოქტომბერს ცვლილება მოხდეს და ძლიერი საქართველოს მშენებლობა დავიწყოთ“, - განაცხადა დოლიძემ.

ინფორმაციას კოალიცია „ძლიერი საქართველოს“ პრესსამსახური ავრცელებს.