შალვა პაპუაშვილი ეუთოს საარჩევნო სადამკვირვებლო მისიის ხელმძღვანელს შეხვდა
საქართველოს პარლამენტის თავმჯდომარე შალვა პაპუაშვილი ეუთოს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) საარჩევნო სადამკვირვებლო მისიის ხელმძღვანელ ოუენ მერფის შეხვდა.
პარლამენტის პრესსამსახურის ინფორმაციით, მხარეებმა საქართველოში წინასაარჩევნო გარემოზე ისაუბრეს.
მათივე ცნობით, ასევე, ოუენ მერფი წინასაარჩევნო პერიოდში საპარლამენტო საქმიანობით დაინტერესდა, რაზეც შალვა პაპუაშვილმა დეტალური ინფორმაცია მიაწოდა.
„შეხვედრაზე აღინიშნა 2024 წლის არჩევნებზე ელექტრონული საშუალებების შემოღების მნიშვნელობა, რაც სადამკვირვებლო მისიის ხელძმღვანელმა დადებითად შეაფასა.
აგრეთვე, ოუენ მერფიმ შალვა პაპუაშვილს საარჩევნო სადამკვირვებლო მისიის საქმიანობა გააცნო.
შალვა პაპუაშვილმა საარჩევნო სადამკვირვებლო მისიის ხელმძღვანელს საქართველოში მრავალწლიანი წარმატებული საქმიანობისთვის მადლობა გადაუხადა,“ - აღნიშნულია ინფორმაციაში.
v-if="article.gallery" v-html="article.gallery"
