უკრაინელებმა რუსების მიერ გაშვებული 66 დრონი ჩამოაგდეს, - ამის შესახებ ინფორმაციას უკრაინის საჰაერო ძალები ავრცელებს.

„საზენიტო ბრძოლის შედეგად კიევის, ჟიტომირის, ჩერკასის, ვინიცის, კიროვოგრადის, პოლტავის, სუმისა და ნიკოლაევის ოლქებში მტრის 66 უპილოტო საფრენი აპარატი ჩამოვაგდეთ“, - აცხადებს უკრაინის საჰაერო ძალები.

ამასთან, 13 რუსული დრონი უკრაინის ოლქების ტერიტორიაზე გაუჩინარდა.

უკრაინის საჰაერო ძალების ცნობით, სულ, რუსულმა ძალებმა უკრაინის მიმართულებით 81 დრონი, „ისკანდერ-მ“ ბალისტიკური რაკეტა, ორი მართვადი Х-59/69 რაკეტა და ერთი დაუზუსტებელი ტიპის რაკეტა გაუშვეს.