„ქართული ოცნება - დემოკრატიული საქართველოს" ბოლნისის, დმანისის, თეთრიწყაროსა და წალკის დელეგატი დავით შერაზადიშვილი, ბოლნისის მუნიციპალიტეტში, აღმასრულებელ მდივანთან - გიორგი მირიანაშვილთან ერთად, ბოლნისის საარჩევნო შტაბში ახალგაზრდებს შეხვდა.

„ქართული ოცნების“ ინფორმაციით, ახალგაზრდებთან შეხვედრაზე დელეგატმა ისაუბრა მიმდინარე პოლიტიკურ პროცესებზე და მასში ახალგაზრდების ჩართულობის მნიშვნელობაზე. ასევე, განიხილეს არსებული ახალგაზრდული პროექტები, პროგრამები და იმსჯელეს სამომავლო გეგმებზე.

„ახალგაზრდები არიან ჩვენი ენერგიის წყარო და მომავალი, მათ აქვთ განსაკუთრებული, ახალი ხედვა ამა თუ იმ საკითხზე და ყოველთვის ვიქნებით მათი მხარდამჭერები“, - განაცხადა დავით შერაზადიშვილმა.