„ქართული ოცნების“ საბურთალოს დელეგატი აკაკი ალადაშვილი წინასაარჩევნო კამპანიის ფარგლებში სოფელ დიღმის მოსახლეობას შეხვდა
„ქართული ოცნება - დემოკრატიული საქართველოს“ საბურთალოს რაიონის დელეგატი აკაკი ალადაშვილი საბურთალოს საარჩევნო შტაბის ხელმძღვანელ გიზო ვასაძესთან ერთად, სოფელ დიღმის მოსახლეობას შეხვდა.
„ქართული ოცნების“ ინფორმაციით, დელეგატმა 26 ოქტომბრის საპარლამენტო არჩევნების მნიშვნელობაზე გაამახვილა ყურადღება. ასევე მოისმინა მოსახლეობის საჭიროებები და მათი აღმოფხვრის გზებზე ისაუბრა მათთან ერთად. შეაჯამა „ქართული ოცნების“ გუნდის მიერ აქამდე განხორციელებული და მიმდინარე პროექტები.
„ყოველდღიურად ვხვდები მოქალაქეებს, რომლებიც მტკიცედ უჭერენ მხარს ქვეყნის მშვიდობას, ღირსებასა და კეთილდღეობას,“- განაცხადა აკაკი ალადაშვილმა.
