ლიბანის ჯანდაცვის სამინისტროს ცნობით, ისრაელის საჰაერო თავდასხმების შედეგად, მიმდინარე კვირაში ლიბანში 700-მდე ადამიანი დაიღუპა.

ამასთან, მიგრაციის საერთაშორისო ორგანიზაციის შეფასებით, ოქტომბრის შემდეგ ლიბანში იძულებით 200 000-ზე მეტი ადამიანი გადაადგილდა.

შეგახსენებთ, შეერთებულმა შტატებმა, საფრანგეთმა და სხვა მოკავშირეებმა ისრაელი-ჰეზბოლას კონფლიქტის მხარეებს ცეცხლის 21-დღიანი შეწყვეტისა და ყოვლისმომცველი ომის თავიდან აცილებისკენ მოუწოდეს. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი ჰეზბოლას "სრული ძალით" ურტყამს და არ გაჩერდება, სანამ მის მიზნებს არ მიაღწევს.