რუსეთის საჰაერო თავდაცვის სისტემებმა ქვეყნის შვიდ რეგიონში 125 უკრაინული უპილოტო საფრენი აპარატი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„გასულ ღამეს, როდესაც კიევის რეჟიმმა სცადა ტერორისტული თავდასხმა უპილოტო საფრენი აპარატების გამოყენებით რუსეთის ფედერაციის ტერიტორიაზე არსებულ ობიექტებზე, საჰაერო თავდაცვის სისტემებმა 125 უპილოტო საფრენი აპარატი გაანადგურეს და შეაკავეს“, - აცხადებენ უწყებაში.

თავდაცვის სამინისტროში განმარტავენ, რომ 67 დრონი ვოლგოგრადის ოლქის ტერიტორიაზე ჩამოაგდეს, 17-ბელგოროდის ოლქის ტერიტორიაზე, 17-ვორონეჟის ოლქში, 18 - როსტოვის ოლქის ტერიტორიაზე, თითო-თითო ბრიანსკის, კურსკის და კრასნოდარის ტერიტორიებზე, 3 უპილოტო საფრენი აპარატი კი აზოვის ზღვის თავზე.