"ქართული ოცნების“ საარჩევნო კამპანიის ფარგლებში, დელეგატი ზუკა რურუა ვაკის რაიონში, მრგვალ ბაღში მოსახლეობას შეხვდა. ამის შესახებ ინფორმაციას „ქართული ოცნება-დემოკრატიული საქართველოს“ პრესსამსახური ავრცელებს.

დელეგატმა შეხვედრაზე ისაუბრა საქართველოში არსებულ პოლიტიკურ ვითარებაზე, 26 ოქტომბრის არჩევნებზე, მიმოიხილეს დასრულებული და მიმდინარე პროექტები. ასევე, განიხილეს სამომავლო გეგმები.

„ვაკის მოსახლეობას ერთგულება გამოვუცხადე - მთელი ცხოვრება ვცდილობდი, ჩემი ქვეყანა მესახელებინა პროფესიულ საქმიანობაში და დიდი პატივია, რომ ახლა ამ პოზიციიდან ერთგულების დამტკიცების შესაძლებლობა მომეცა.

26 ოქტომბერს ჩვენ ავირჩევთ ჩვენი ქვეყნის კეთილდღეობას და მშვიდობას ქვეყანაში“,- განაცხადა ზუკა რურუამ.

მისი თქმით, საღამო კიდევ უფრო დასამახსოვრებელი გახადა ზუკა ხუციშვილის მონაწილეობამ, რომელმაც დამსწრე საზოგადოებისთვის რამდენიმე სიმღერა შეასრულა.

შეხვედრას ასევე ესწრებოდნენ, ვაკის გამგებელი - დავით კვინიკაძე, ვაკის მაჟორიტარი - ნოდარ ტურძელაძე და თბილისის საკრებულოს თავმჯდომარე - გიორგი ტყემალაძე.