ირანის საგარეო საქმეთა მინისტრი - ისრაელის მიერ ჩადენილი საშინელი დანაშაული უპასუხოდ არ დარჩება

ირანი პირობას დებს, რომ რევოლუციური გვარდიის მეთაურის მოადგილის, აბას ნილფორუშანის მკვლელობას უპასუხებს.

ირანის საგარეო საქმეთა მინისტრის, აბას არაღჩის განცხადებით, ისრაელის მიერ ირანის რევოლუციური გვარდიის კორპუსის მეთაურის მოადგილის მკვლელობა საშინელი დანაშაული იყო, რომელიც უპასუხოდ არ დარჩება.

„ეჭვგარეშეა, რომ სიონისტური რეჟიმის (ისრაელის) მიერ ჩადენილი ეს საშინელი დანაშაული უპასუხოდ არ დარჩება“, - განაცხადა აბას არაღჩიმ.

ცნობისთვის, ბრიგადის გენერალი აბას ნილფორუშანი პარასკევს ისრაელის მიერ ბეირუთზე განხორციელებული თავდასხმის დროს დაიღუპა, რომლის დროსაც „ჰეზბოლას“ ლიდერის, ჰასან ნასრალას ლიკვიდაცია მოხდა.