ძლიერმა ქარმა ზუგდიდის მუნიციპალიტეტში სხვადასხვა სახის პრობლემები შექმნა.

ზუგდიდის მუნიციპალიტეტის მერიის ინფორმაციით, ძლიერი ქარის შედეგად წაქცეულია ხეები, დაზიანებულია ელექტროგადამცემი ბოძები, რამდენიმე ადმინისტრაციულ ერთეულს შეუწყდა ელექტროენერგიის მიწოდება, ქალაქში აბონენტებს წყალმომარაგება შეუწყდათ. შესაბამისი სამსახურები პრობლემების აღმოსაფხვრელად მუშაობენ.

ინფორმაციის თანახმად, არსებულ ვითარებას ადგილზე ზუგდიდის მერი, მამუკა წოწერია, მოადგილეებთან და სამეგრელო-ზემო სვანეთის სახელმწიფო რწმუნებულის პირველ მოადგილე, ნინო ვიბლიანთან ერთად ეცნობა.

მათივე ცნობით, სამუშაოებს ა(ა)იპ „კეთილმოწყობის მართვის ცენტრი“ შესაბამის სამსახურებთან ერთად ახორციელებს.