ადგილზე რეალობა ისეთია, რომ არ მგონია, აშშ-ის რომელიმე პრეზიდენტმა ეს უგულებელყოს და რუსეთს იოლად მოგების საშუალება მისცეს, - ამის შესახებ საქართველოს პრეზიდენტმა, სალომე ზურაბიშვილმა „ვარშავის უსაფრთხოების სამიტის“ ფარგლებში გამართულ პანელზე განაცხადა.

საქართველოს პრეზიდენტს დაუსვეს შეკითხვა, რამდენად შემაშფოთებელია მისთვის, რომ აშშ-ის პრეზიდენტობის კანდიდატმა არაერთხელ თქვა, რომ სურს უკრაინაში ომის დასრულება და ამისთვის ის მოლაპარაკებებს გამართავს ვლადიმერ პუტინთან, საუბარია დონალდ ტრამპზე.

„აშშ-ის პოლიტიკა ორპარტიული პოლიტიკაა. ვფიქრობ, უკრაინასთან დაკავშირებით იქნება ორპარტიული პოლიტიკა. ადგილზე რეალობა ისეთია, რომ არ მგონია, აშშ-ის რომელიმე პრეზიდენტმა ეს უგულებელყოს და რუსეთს იოლად მოგების საშუალება მისცეს. ის ამ დრომდე ომს აგებს, ვინაიდან რუსეთისთვის ორწელიწადნახევრის შემდეგ ომის ვერ მოგება, მაშინ, როცა ის ფიქრობდა, რომ ეს იქნებოდა სამდღიანი ოპერაცია, უკვე წაგებაა“, - აღნიშნა საქართველოს პრეზიდენტმა.