ლევან მაჭავარიანი - დეზინფორმაციაა აშშ-ს საელჩოს ინფორმაცია იმის თაობაზე, თითქოს ბიძინა ივანიშვილი დე ფაქტო დასანქცირებაში აშშ-ს ადებს ხელს - ასეთი განცხადება არც ივანიშვილს და ჩვენი გუნდის არც ერთ წევრს არასდროს გაუკეთებია
დეზინფორმაციაა აშშ-ს საელჩოს ინფორმაცია იმის თაობაზე, თითქოს ბიძინა ივანიშვილი დე ფაქტო დასანქცირებაში აშშ-ს ადებს ხელს - ასეთი განცხადება არც ივანიშვილს და ჩვენი გუნდის არც ერთ წევრს არასდროს გაუკეთებია, - ამის შესახებ ჟურნალისტებს "ქართული ოცნების" დეპუტატმა ლევან მაჭავარიანმა განუცხადა.
როგორც მაჭავარიანმა განმარტა, როცა მმართველი გუნდი გარე ძალებზე საუბრობს, არ საუბრობს არც აშშ-ზე, არც ევროკავშირზე და არც ევროკავშირში შემავალ რომელიღაც ქვეყანაზე.
„ჩვენ ყოველთვის გარკვეულ ძალებზე ვსაუბრობთ, რომელსაც სამწუხაროდ, ძალიან დიდი გავლენა აქვს როგორც აშშ-ს, ასევე ევროკავშირის ბიუროკრატიაზე და ბევრ პოლიტიკოსზე.
ჩვენს შემთხვევაში ამას "გლობალური ომის პარტია" დავარქვით. ამერიკაში ათწლეულებია ამ ძალებს "დიფ სთეითს" ეძახიან. ამ გარე ძალებზე საუბრობს ბევრი ექსპერტი, საუბრობს აშშ-ს ყოფილი საპრეზიდენტო კანდიდატი რობერტ კენედი უმცროსი.
რა თქმა უნდა, ეს ძალები არსებობენ და სამწუხაროდ, მას ძალიან დიდი გავლენა აქვს აშშ-სა და ევროკავშირის ბიუროკრატიაზე, ასევე რიგ პოლიტიკოსებზე როგორც აშშ-ში, ასევე ევროკავშირში
არიან გარკვეული ძალები, რომელსაც ჩვენ პირობითად "გლობალური ომის პარტიას" ვუწოდებთ - ასეთი ძალების არსებობას ადასტურებს ბევრი სერიოზული ექსპერტი და პოლიტიკოსი", - განაცხადა მაჭავარიანმა.
v-if="article.gallery" v-html="article.gallery"
