კოპენჰაგენში, ისრაელის საელჩოსთან ახლოს მომხდარ აფეთქებებთან დაკავშირებით პოლიციამ სამი ადამიანი დააკავა.

„ისრაელის საელჩოსთან მომხდარ აფეთქებებთან დაკავშირებით სამი ადამიანი დავაკავეთ. კოპენჰაგენის ცენტრალურ სადგურზე მატარებელში ორი მამაკაცი, ხოლო ერთი ადამიანი კი სხვა ადგილას დავაკავეთ“, - აცხადებს კოპენჰაგენის პოლიცია.

შეგახსენებთ, დღეს დილით, კოპენჰაგენში, ისრაელის საელჩოს მიმდებარედ ორი აფეთქება მოხდა. შემთხვევის შედეგად არავინ დაშავებულა.