საჰაერო თავდაცვის სისტემებმა წუხელ ბელგოროდის, ვორონეჟის, კურსკისა და ბრიანსკის ოლქებში 113 უკრაინული დრონი გაანადგურეს, - ინფორმაციას რუსეთის თავდაცვის სამინისტრო ავრცელებს.

„საჰაერო თავდაცვის სისტემებმა გაანადგურეს 113 უკრაინული უპილოტო საფრენი აპარატი: 73 უპილოტო საფრენი აპარატი ბელგოროდის ოლქის ტერიტორიაზე, 25 უპილოტო საფრენი აპარატი ვორონეჟის ოლქის ტერიტორიაზე, 14 - კურსკის ოლქის ტერიტორიაზე და ერთი უპილოტო საფრენი აპარატი ბრიანსკის ოლქში“, - აცხადებენ უწყებაში.

ბელგოროდის გუბერნატორმა ვიაჩესლავ გლადკოვმა განაცხადა, რომ ჩამოგდებული დრონის ნამსხვრევების შედეგად ადგილობრივი მცხოვრები მსუბუქად დაშავდა, დაზიანდა სამი კერძო სახლი და ერთი ავტომობილი.