ლიბანის წითელი ჯვრის საზოგადოების განცხადებით, ისრაელის სარაკეტო დარტყმის შედეგად, ერთი სამხედრო დაიღუპა და ოთხი პარამედიკოსი დაშავდა.

ლიბანის წითელი ჯვრის საზოგადოების ცნობით, დარტყმის მომენტში პარამედიკოსები და ლიბანის არმიის ჯარისკაცი ქვეყნის სამხრეთში დაშავებულების ევაკუაციას ახორციელებდნენ.

ორგანიზაცია აცხადებს, რომ კოლონას კოორდინაციას გაერო-ს სამშვიდობო ძალები უწევდნენ.

ისრაელის თავდაცვის ძალებში აღნიშნეს, რომ ინციდენტს იძიებენ.