ისრაელის განცხადებით, ლიბანში სახმელეთო ოპერაციისას “ჰეზბოლას” 250 მებრძოლი გაანადგურეს. ამის შესახებ განცხადებას ისრაელის თავდაცვის ძალები ავრცელებს.

კერძოდ, 30 სექტემბერს საღამოს სამხრეთ ლიბანში სახმელეთო ოპერაციის დაწყების შემდეგ, მათ “ჰეზბოლას” 250 მებრძოლი გაანადგურეს.

ისრაელის თავდაცვის ძალები აღნიშნავენ, რომ “ჰეზბოლას” 250 მებრძოლს შორის მინიმუმ 21 საველე მეთაურია, 5 ბრიგადის დონის მეთაური, 10 ასეულის მეთაური, და 6 ოცეულის მეთაური.

საკუთარ ოპერაციებს ისრაელის სამხედროები აღწერენ როგორც “შეზღუდულ, ლოკალიზებულ და მიზნობრივ რეიდებს”, რომელთა მიზანია “ჰეზბოლას” ინფრასტრუქტურის ჩამოშლა სასაზღვრო ზონაში, განსაკუთრებით ისრაელის საზღვართან მდებარე სოფლებში, რათა ისრაელის ჩრდილოეთში მაცხოვრებელ ხალხს საკუთარ სახლებში დაბრუნების საშუალება მიეცეს.

ისრაელის სამხედრო მეთაურების თქმით, მათი მიზანია ოპერაციების რაც შეიძლება მალე დასრულება, შესაძლოა რამდენიმე კვირის განმავლობაშიც კი.