ირანის საგარეო საქმეთა მინისტრი სირიაში ჩავიდა, - ამის შესახებ ინფორმაციას ირანის საგარეო საქმეთა სამინისტრო ავრცელებს.

ირანის საგარეო საქმეთა სამინისტროს სპიკერის ცნობით, აბას არაღჩი სირიელ ოფიციალურ პირებთან შეხვედრაზე ორმხრივი ურთიერთობების საკითხებსა და რეგიონულ მოვლენებს განიხილავს.

ცნობისთვის, ირანის საგარეო საქმეთა მინისტრი გუშინ ლიბანში იმყოფებოდა, სადაც ლიბანელ ოფიციალურ პირებს, მათ შორის პრემიერ-მინისტრს, ნაჯიბ მიკატის შეხვდა.