რობერტ ფიცო დენის შმიგალს - უკრაინის ნატო-ში გაწევრიანების საკითხის მიმართ ცივი დამოკიდებულება გვაქვს, მაგრამ ევროკავშირთან დაკავშირებით 100%-ით მხარს გიჭერთ
უკრაინის ნატო-ში გაწევრიანების საკითხის მიმართ ცივი დამოკიდებულება გვაქვს, მაგრამ ევროკავშირთან დაკავშირებით ჩვენ 100%-ით მხარს გიჭერთ, - ამის შესახებ სლოვაკეთის პრემიერ-მინისტრმა, რობერტ ფიცომ უკრაინელ კოლეგას, დენის შმიგალს უჟგოროდში გამართულ შეხვედრაზე განუცხადა.
„ღიად ვიტყვი, რომ უკრაინის ნატო-ში გაწევრიანების საკითხის მიმართ ცივი დამოკიდებულება გვაქვს, მაგრამ ევროკავშირთან დაკავშირებით ჩვენ 100%-ით მხარს გიჭერთ. თქვენი წევრობა ჩვენთვის მნიშვნელოვანი და ღირებული იქნება“, - განაცხადა რობერტ ფიცომ.
რობერტ ფიცომ აღნიშნა, რომ სლოვაკეთი უკრაინის ევროკავშირში გაწევრიანებას მხარს აქტიურად უჭერს.
„ევროკავშირში იქნებიან ქვეყნები, რომლებსაც სურთ, რომ უკრაინის ევროკავშირში გაწევრიანების პროცესი ასეთი სწრაფი არ იყოს. ჩვენ ასეთები არ ვიქნებით. ბევრი რამ თქვენზე, თქვენს რეფორმებზეა დამოკიდებული, მაგრამ ჩვენ თქვენს გზაზე არანაირ დაბრკოლებას არ შეგიქმნით“, - აღნიშნა სლოვაკეთის პრემიერმა.
