ჩვენ ბრძოლას ერთად გავაგრძელებთ და ერთად გავიმარჯვებთ, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

მისი თქმით, არ დანებდება.

„ვიდრე მტერი ჩვენს არსებობასა და ჩვენი ქვეყნის მშვიდობას საფრთხეს უქმნის, ჩვენ ბრძოლას გავაგრძელებთ. ვიდრე ღაზაში გატაცებულები არიან, ჩვენ ბრძოლას გავაგრძელებთ. ჩვენ არცერთ მათგანს არ დავთმობთ. მე არ დავნებდები. ვიდრე ჩვენი მოქალაქეები სახლებში უსაფრთხოდ არ დაბრუნდებიან, ჩვენ ბრძოლას გავაგრძელებთ“, - განაცხადა ისრაელის პრემიერ-მინისტრმა.

მისივე თქმით, როგორც ისრაელის ისტორიაში არაერთხელ მომხდარა, რთულ მომენტებში შინაგანი ძალა თავს იჩენს.

„ჩვენ ბრძოლას ერთად გავაგრძელებთ და ღვთის წყალობით, ერთად გავიმარჯვებთ“, - აღნიშნა ბენიამინ ნეთანიაჰუმ.