ამერიკის შეერთებული შტატების პრეზიდენტობის “რესპუბლიკური” კანდიდატი, დონალდ ტრამპი აცხადებს, რომ ამერიკელებმა არასდროს უნდა დაივიწყონ 2023 წლის 7 ოქტომბერს „ჰამასის“ მიერ ისრაელზე განხორციელებული თავდასხმები.

”ჩვენ ვერასოდეს დავივიწყებთ იმ დღის კოშმარს. მე რომ პრეზიდენტი ვყოფილიყავი, 7 ოქტომბრის თავდასხმა არასდროს მოხდებოდა“, - აღნიშნა ტრამპმა სამხრეთ ფლორიდაში მხარდამჭერებთან შეხვედრაზე.

მისი მტკიცებით, შოკისმომგვრელია ის ფაქტი, რომ მსოფლიო ანტისემიტიზმმა მოიცვა და ანტისემიტიზმი დაბრუნდა „დემოკრატიული პარტიის“ რიგებშიც.

”თითქმის ისეთივე შოკისმომგვრელი, როგორც თავად 7 ოქტომბერი, არის ანტისემიტიზმის აფეთქება, რომელიც ჩვენ ყველამ ვნახეთ მის კვალდაკვალ. ანტიებრაული სიძულვილი დაბრუნდა და განსაკუთრებით „დემოკრატიული პარტიის“ რიგებში. „რესპუბლიკური პარტია არ დაინფიცირებულა“ ამ საშინელი დაავადებით და არც დაინფიცირდება“, - აღნიშნა ტრამპმა.