დიდი ბრიტანეთის პრემიერ-მინისტრი აშშ-ის, საფრანგეთისა და გერმანიის ლიდერებს შეხვდება. ამის შესახებ დიდი ბრიტანეთის პრემიერ-მინისტრის, კირ სტარმერის პრესსპიკერმა განაცხადა.

კირ სტარმერს, ჯო ბაიდენს, ემანუელ მაკრონსა და ოლაფ შოლცს შორის შეხვედრა შაბათს, ბერლინში გაიმართება.

„ლიდერები უკრაინაში არსებულ ვითარებასა და ახლო აღმოსავლეთში განვითარებულ მოვლენებს განიხილავენ“, - აღნიშნა დიდი ბრიტანეთის პრემიერ-მინისტრის პრესსპიკერმა.

ცნობისთვის, 12 ოქტომბერს გერმანიაში „რამშტაინის“ 25-ე შეხვედრა გაიმართება და იგი ლიდერების დონეზე პირველად ჩატარდება. შეხვედრას აშშ-ის პრეზიდენტი, ჯო ბაიდენი უხელმძღვანელებს.