ევროკომისიის პრეზიდენტი, ურსულა ფონ დერ ლაიენი მოლდოვას ეწვევა. ამის შესახებ განცხადებას მოლდოვის პრეზიდენტის ადმინისტრაცია ავრცელებს.

მოლდოვის პრეზიდენტის ადმინისტრაციის ცნობით, ურსულა ფონ დერ ლაიენი მოლდოვის პრეზიდენტს, მაია სანდუს ხუთშაბათს, 10 ოქტომბერს შეხვდება.

„ეს ვიზიტი კიშინიოვსა და ბრიუსელს შორის არსებულ მზარდ მჭიდრო ურთიერთობებს ხაზს უსვამს“, - ნათქვამია განცხადებაში.

შეგახსენებთ, მოლდოვაში 20 ოქტომბერს საპრეზიდენტო არჩევნები გაიმართება. ამავე დღეს ქვეყნის ევროკავშირში ინტეგრაციის საკითხზე რეფერენდუმი ჩატარდება.