უკრაინის პრეზიდენტი, ვოლოდიმირ ზელენსკი დღეს ლონდონში ნატო-ს გენერალურ მდივანს მარკ რუტეს და გაერთიანებული სამეფოს პრემიერ-მინისტრს კირ სტარმერს შეხვდება, - ინფორმაციას Reuters-ი ავრცელებს.

სტარმერის პრესსპიკერის განცხადებით, ზელენსკის ლონდონში ჩასვლა მარკ რუტეს ვიზიტს დაემთხვევა.

”სტარმერი დაადასტურებს, რომ გაერთიანებული სამეფო მხარს უჭერს უკრაინას რუსული აგრესიის ფონზე,” - განუცხადა ჟურნალისტებს ბრიტანეთის პრემიერის პრესსპიკერმა.

ცნობისთვის, უკრაინის მოკავშირეთა სამიტი „რამშტაინში“ გადაიდო მას შემდეგ, რაც აშშ-ის პრეზიდენტმა, ჯო ბაიდენმა გერმანიაში ვიზიტი აშშ-ში მოსალოდნელი ქარიშხალ „მილტონის“ გამო გააუქმა.

ვოლოდიმირ ზელენსკი გუშინ ხორვატიაში იმყოფებოდა, პარასკევს კი ის რომის პაპ ფრანცისკეს შეხვდება.