„განვითარების სივრცეში“ საოცარი ადამიანები არიან, რომლებიც სრულიად მიტოვებულები არიან ხელისუფლების მხრიდან, - ამის შესახებ „ერთიანობა ნაციონალური მოძრაობის" თბილისის ორგანიზაციის თავმჯდომარე სოფო ჯაფარიძემ განაცხადა, რომელიც ფსიქიკური ჯანმრთელობის მსოფლიო დღესთან დაკავშირებით, შშმ პირთა ცენტრში - „განვითარების სივრცეში“ იმყოფებოდა.

სოფო ჯაფარიძის განცხადებით, ძალიან მნიშვნელოვანია მსგავსი ცენტრების არსებობა და აუცილებლად უნდა შეუწყოს ხელი სახელმწიფომ.

„დღეს არის ფსიქიკური ჯანმრთელობის მსოფლიო დღე. სწორედ ამ დღესთან დაკავშირებით დღეს ვესტუმრეთ წყნეთში შეზღუდული შესაძლებლობის მქონე პირთა ცენტრს „განვითარების სივრცეს“. მართლაც საოცარი სივრცეა, სადაც არიან ახალგაზრდები, ეს საოცარი ადამიანები, რომლებიც სრულიად მიტოვებულები არიან ხელისუფლების მხრიდან. ძალიან მნიშვნელოვანია, რომ ბევრი ასეთი სივრცე არსებობდეს, სადაც ამხელა ყურადღება ეთმობა ამ საოცარ ადამიანებს. დიდი მადლობა ნინო ორდენიძეს, ამ ცენტრისთვის და დიდი მადლობა თითოეულ თანამშრომელს, რომლებიც მართლაც ამ საოცარ ადამიანებს ასე უვლიან, ასე ეპყრობიან და ვფიქრობ, რომ მართლაც ძალიან მნიშვნელოვანია ასეთი ცენტრების არსებობა და აუცილებლად ხელი უნდა შეუწყოს სახელმწიფომ“, - განაცხადა სოფო ჯაფარიძემ, რომლის კომენტარსაც პარტიის პრესსამსახური ავრცელებს.