ჩრდილოეთ კორეამ სამხრეთ კორეასთან დამაკავშირებელი გზები ააფეთქა, - ამის შესახებ ინფორმაციას საინფორმაციო სააგენტო Yonhap-ი სამხრეთ კორეის გაერთიანებული შტაბის უფროსებზე დაყრდნობით ავრცელებს.

„ჩრდილოეთ კორეამ, დაახლოებით შუადღისას, გიონგუისა და დონჰაეს გზების ნაწილი სამხედრო სადემარკაციო ხაზის ჩრდილოეთით ააფეთქა“, - აცხადებენ გაერთიანებული შტაბის უფროსები.

გაერთიანებული შტაბის უფროსებმა აღნიშნეს, რომ სათვალთვალო დაზვერვა და მზადყოფნა გააძლიერეს.