მე მინდა პეტერ ფიშერს ვუთხრა, რომ 26 ოქტომბერს კახა კალაძე მთელ გუნდთან ერთად კიდევ ერთხელ მოიგებს მორიგ ჩემპიონთა ლიგას,- ასე გამოეხმაურა პრემიერ-მინისტრი ირაკლი კობახიძე საქართველოში გერმანიის ელჩის, პიტერ ფიშერის მიერ სოციალურ ქსელ X-ზე გავრცელებულ განცხადებას, რომელმაც დაწერა, რომ „დღეს ვიღაცამ ავტოგოლი გაიტანა".

კობახიძის თქმით, ყოვლად მიუღებელია კოლექტიური „ნაციონალური მოძრაობის“ ხელისუფლებაში დაბრუნება და მათ მიმართ ნებისმიერი გულშემატკივრობა.

„მე მინდა მას (პეტერ ფიშერი) ვუთხრა, რომ 26 ოქტომბერს კახა კალაძე მთელ გუნდთან ერთად კიდევ ერთხელ მოიგებს მორიგ ჩემპიონთა ლიგას და დამარცხდება ყველა ის ადამიანი, რომელიც კოლექტიურ „ნაციონალურ მოძრაობას“ გულშემატკივრობს, იქნება ეს ქართველი თუ უცხოელი.

რა თქმა უნდა, ყოვლად მიუღებელია კოლექტიური „ნაციონალური მოძრაობის“ ხელისუფლებაში დაბრუნება და ნებისმიერი გულშემატკივრობა ამ მოვლენის მიმართ“,- განაცხადა ირაკლი კობახიძემ.