უკრაინელებმა რუსების მიერ გაშვებული 51 დრონი ჩამოაგდეს
უკრაინელებმა რუსების მიერ გაშვებული 51 დრონი ჩამოაგდეს, - ამის შესახებ ინფორმაციას უკრაინის საჰაერო ძალები ავრცელებს.
უკრაინის საჰაერო ძალების ცნობით, სულ, რუსულმა ძალებმა უკრაინის მიმართულებით 136 დრონი გაუშვეს, რომელთაგან 51 თავდაცვის ძალებმა ჩამოაგდეს, 60 უკრაინის ტერიტორიაზე გაუჩინარდა, 2 რუსეთის მიმართულებით გაფრინდა, ხოლო 20 დრონი ჰაერშია და საბრძოლო სამუშაოები მიმდინარეობს.
„7:00 საათის მდგომარეობით, საზენიტო ბრძოლის შედეგად თავდაცვის ძალებმა სუმის, ჩერკასის, კიროვოგრადის, ტერნოპოლის, ხერსონის, ხარკოვის, ჟიტომირის, დონეცკის, დნეპროპეტროვსკის, ნიკოლაევის, კიევის, პოლტავის, ჩერნიგოვისა და ჩერნივცის ოლქებში მტრის 51 უპილოტო საფრენი აპარატი ჩამოაგდეს“, - აცხადებენ უკრაინის საჰაერო ძალებში.
რუსულმა ძალებმა დრონები კურსკის, ორიოლისა და პრიმორსკო-ახტარსკის ტერიტორიებიდან გაუშვეს.
v-if="article.gallery" v-html="article.gallery"
