ევროკავშირის ქვეყნები სამხრეთ ლიბანიდან გაერო-ს სამშვიდობო ძალებს არ გაიყვანენ, - ამის შესახებ ავსტრიის საგარეო საქმეთა მინისტრმა, ალექსანდერ შალენბერგმა განაცხადა.

„გაყვანის ან სხვა რაიმე მსგავსის შესახებ დებატები არ ყოფილა. ისინი იქ დარჩებიან, მაგრამ ჩვენი ჯარისკაცების უსაფრთხოება უმთავრესია და იგი ყველამ უნდა უზრუნველყოს“, - განაცხადა ალექსანდერ შალენბერგმა.

ცნობისთვის, ისრაელის პრემიერ-მინისტრმა, ბენიამინ ნეთანიაჰუმ გაერო-ს გენერალურ მდივანს, ანტონიო გუტერეშს ლიბანში გაერო-ს დროებითი ძალების (UNIFIL) საბრძოლო მოქმედებების ზონებიდან გაყვანისკენ მოუწოდა.