„ქართული ოცნება- დემოკრატიული საქართველოს” მთაწმინდა-კრწანისის რაიონის დელეგატი დავით კაჭარავა, კრწანისის რაიონში, ზემო ფონიჭალა N11 კორპუსის მიმდებარედ, ადგილობრივ მოსახლეობასთან შეხვედრა გამართა.

პარტიის მიერ გავრცელებული ინფორმაციით, ამომრჩეველი გაეცნო გუნდის სამომავლო გეგმებს, ასევე ისაუბრეს 26 ოქტომბრის საპარლამენტო არჩევნების მნიშვნელობაზე.

მათივე ცნობით, შეხვედრაზე განიხილეს დასახლებების საჭიროებები და მათი გადაჭრის გზები.

დელეგატის თქმით, მოსახლეობასთან ისაუბრა ქვეყანაში არსებულ პოლიტიკურ მდგომარეობაზე და მიმდინარე მოვლენებზე.