დღეს არის ისტორიული დღე, ისტორიული შეკრება, რომელიც ექვს დღეში ივანიშვილის „რუსული რეჟიმის“ დასრულებით დაგვირგვინდება, - ამის შესახებ "ერთიანობა - ნაციონალური მოძრაობის" თავმჯდომარის მოადგილემ იგორ ნარმანიამ მარშის სახელწოდებით - „საქართველო ირჩევს ევროკავშირს“ დაწყებამდე განაცხადა.

მისი თქმით, „რუსული კოლაბორაციონისტული რეჟიმი არჩევნებამდე ექვსი დღით ადრეც განადგურებულია, რაც ხალხის რაოდენობასა და შემართებაში გამოჩნდება“.

„ჩვენ დღეს დავინახავთ ძალიან ბევრ ჩემს თანატოლს თბილისის ქუჩებში და ძალიან ბევრ გაბრაზებულ ჩემს თანატოლს დაინახავს ივანიშვილი თბილისის ქუჩებში, რაც გამოიწვია მისმა 12-წლიანმა კოლაბორაციონისტულმა მმართველობამ, რომელიც ექვს დღეში დასრულდება ამ ქვეყანაში. რადგან ჩვენ დღეს დავინახავთ ხალხის რაოდენობას, თუ როგორი მოწადინებულები არიან ისინი, რომ ივანიშვილი სამუდამოდ გაუშვან ხელისუფლებიდან. რუსული კოლაბორაციონისტული რეჟიმი არჩევნებამდე ექვსი დღით ადრეც განადგურებულია, რაც ხალხის რაოდენობასა და შემართებაში გამოჩნდება. ეს ადამიანები 26 ოქტომბერს აპირებენ საარჩევნო უბნებთან მისვლას თავისი ხმის დაფიქსირებას და ამ ხმების დაცვას. ამიტომ, დღეს არის ისტორიული დღე, ისტორიული შეკრება, რომელიც ექვს დღეში დაგვირგვინდება ივანიშვილის რუსული რეჟიმის დასრულებით“, - განაცხადა იგორ ნარმანიამ.