სხვათა შორის, „გლობალური ომის პარტია“ პირველად მე ვთქვი და ძალიან არ მოეწონათ - „გლობალური ომის პარტია“ იმიტომ დავარქვი, რომ ომის პარტია აგერ გვყავს „ნაციონალური მოძრაობა“, მათში რომ არ არეოდათ და რომ გაეგოთ კიდევ არიან დიდი ძალები, ამიტომ მოვიფიქრეთ ეს ტერმინი, - ამის შესახებ პარტია „ქართული ოცნების“ დამფუძნებელმა და საპატიო თავმჯდომარემ, ბიძინა ივანიშვილმა „იმედთან“ ინტერვიუში განაცხადა.

ივანიშვილის განმარტებით, „გლობალური ომის“ პარტია დიდი ძალაა, დიდი რესურსის მქონე, რომლებსაც ხელი მიუწვდებათ ბევრ ბიუროკრატზე სხვადასხვა განვითარებულ ქვეყნებში.

როგორც ივანიშვილი ამბობს, „გლობალური ომის პარტიის“ მიზანია, ხელისუფლებაში „ნაციონალური მოძრაობა“ დაბრუნდეს.

„რატომ უნდათ, რომ „ნაციონალური მოძრაობა“ დაბრუნდეს ხელისუფლებაში? რა თავში იხლიან ამ „ნაციონალურ მოძრაობას“? ამაზე ყველას აქვს პასუხი. იმიტომ უნდათ, რომ სასწრაფოდ ჩაერთოს ომში, სანამ დასრულებულა. გლობალური ძალები თუ გლობალური ომის პარტია ათას სახელს უწოდებენ. სხვათა შორის, გლობალური ომის პარტია შეიძლება პირველად მე ვთქვი და ძალიან არ მოეწონათ. გლობალური ომის პარტია იმიტომ დავარქვი, რომ ომის პარტია აგერ გვყავს „ნაციონალური მოძრაობა“, მათში რომ არ არეოდათ და რომ გაეგოთ, კიდევ არიან დიდი ძალები, ამიტომ მოვიფიქრეთ ეს ტერმინი. რომ არ მოგვეფიქრებინა, ომის პარტიად ყველა „ნაციონალურ მოძრაობს“ იფიქრებდა. ამისთვის უნდათ, იმიტომ გვეუბნებიან იგივე ძალები: ევრობიუროკრატები თუ ამერიკელები. ეს ძალა (გლობალური ომის პარტია) ძალიან დიდი ძალაა, დიდი რესურსის მქონე, მათ მიუწვდებათ ხელი ძალიან ბევრ ბიუროკრატზე სხვადასხვა განვითარებულ ქვეყანაში და აქ უნდათ, რომ დააბრუნონ ეს ძალა (ნაციონალური მოძრაობა), საკუთარი ძალა, ვისაც მართავდნენ. მეორე დღესვე გაჩაღდება ომი. არ იფიქროთ, რომ რაღაცას გაივლიან, ამის დრო არ არის, ძალიან გახურებულია ეს თემა. ომის დროს ყველას უჭირს. ამ ფონზე, რა თქმა უნდა, ჩვენგან აგრესია გამძაფრდა“, - განაცხადა ივანიშვილმა.