უკრაინაში დრონების წარმოებისთვის აშშ 800 მილიონი დოლარის ღირებულების დახმარების პაკეტს ამზადებს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„კიდევ ერთი ცალკეული პაკეტი მზადდება - უკრაინული დრონების წარმოების დაფინანსებისთვის, 800 მილიონი დოლარი. უკრაინა ამ მხარდაჭერისთვის მადლიერია. ჩვენ გვჭირდება, რომ მსოფლიოში არსებული ნებისმიერი პოლიტიკური საფრთხის მიუხედავად, უკრაინამ თავისი სუვერენიტეტისა და დამოუკიდებლობის დაცვა შეძლოს. ეს აუცილებლად მოხდება“, - განაცხადა ვოლოდიმირ ზელენსკიმ.

ამასთან, უკრაინის პრეზიდენტმა აღნიშნა, რომ აშშ-ის თავდაცვის მდივანთან, ლოიდ ოსტინთან შეხვედრისას „გამარჯვების გეგმის განხორციელების კონკრეტული ნაბიჯები“ განიხილა.

ცნობისთვის, დღეს, კიევში ვიზიტით მყოფმა, ლოიდ ოსტინმა უკრაინისთვის 400 მილიონი დოლარის ღირებულების სამხედრო დახმარების პაკეტის გამოყოფის შესახებ გამოაცხადა.