მნიშვნელოვანია, ისრაელმა ირანს ისე უპასუხოს, რომ ამან უფრო დიდი ესკალაცია არ გამოიწვიოს, - ამის შესახებ აშშ-ის სახელმწიფო მდივანმა, ენტონი ბლინკენმა ისრაელის დატოვებისას განაცხადა.

„ახლა დროა, რომ მიღწეული წარმატებები ხანგრძლივ სტრატეგიულ წარმატებად იქცეს. ორი რამ რჩება გასაკეთებელი: მძევლების სახლში დაბრუნება და ომის დასრულება იმის გაგებით, თუ რა მოჰყვება მას. ასევე, მნიშვნელოვანია, ისრაელმა (ირანს) ისე უპასუხოს, რომ ამან უფრო დიდი ესკალაცია არ გამოიწვიოს“, - განაცხადა ენტონი ბლინკენმა.

ენტონი ბლინკენი ისრაელიდან რიადში გაემგზავრა და აღნიშნა, რომ ისრაელმა საუდის არაბეთთან ურთიერთობების ნორმალიზების „შესანიშნავი შესაძლებლობა“ უნდა გამოიყენოს.