მიკროავტობუსი, რომელსაც „ქართული ოცნების“ მიერ დაგეგმილ აქციაზე კახეთიდან თბილისში მოქალაქეები მიჰყავდა, ავარიაში მოყვა.

არსებული ინფორმაციით, არიან დაშავებულები, რომლებიც თელავის კლინიკაში გადაიყვანეს.

მომხდართან დაკავშირებით გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

შეგახსენებთ, თავისუფლების მოედანზე, „ქართული ოცნება-დემოკრატიული საქართველოს“ საარჩევნო კამპანიის დასკვნითი ღონისძიება გაიმართება. ღონისძიება 19:00 საათზე დაიწყება.