ცოტნე ივანიშვილი - ომსა და მშვიდობას შორის არის არჩევანი - მმართველი პარტია ძალიან კარგ აქცენტებს აკეთებს და მე ყველა აქცენტს მხარს ვუჭერ და ვეთანხმები
მმართველი პარტია ძალიან კარგ აქცენტებს აკეთებს და მე ყველა აქცენტს მხარს ვუჭერ და ვეთანხმები, - ამის შესახებ „ქართული ოცნების” საპატიო თავმჯდომარის ბიძინა ივანიშვილის ვაჟმა ცოტნე ივანიშვილმა განაცხადა, რომელიც პარტიის წინასაარჩევნო კამპანიის ფარგლებში შემაჯამებელ ღონისძიებაზე იმყოფება.
როგორც ცოტნე ივანიშვილმა ჟურნალისტთან საუბარში აღნიშნა, მისი იქ ყოფნის მიზეზი მოქალაქეობრივი პასუხისმგებლობაა.
„მე, როგორც ერთი რიგითი ქართველი ახალგაზრდა, ვგრძნობ პასუხისმგებლობას. მე ვთვლი, რომ უნდა დავიცვათ ჩვენი ოჯახური ღირებულებები, ჩვენი მშვიდობა, ნათელი მომავალი და მხარი დავუჭიროთ „ქართულ ოცნებას“.
ომსა და მშვიდობას შორის არის არჩევანი. მმართველი პარტია ძალიან კარგ აქცენტებს აკეთებს და მე ყველა აქცენტს მხარს ვუჭერ და ვეთანხმები”, - აღნიშნა ცოტნე ივანიშვილმა.
„თავისუფლების მოედანზე“ „ქართული ოცნების“ საარჩევნო კამპანიის დასკვნითი ღონისძიება უნდა გაიმართოს.
მანამდე რამდენიმე ლოკაციიდან მსვლელობა გაიმართა. რესპუბლიკის მოედანზე შეკრებილებს ცოტნე ივანიშვილი შეუერთდა. კიდევ ერთი მსვლელობა გაიმართა ბარათაშვილის ხიდიდან.
v-if="article.gallery" v-html="article.gallery"
