სომხეთის პრემიერ-მინისტრი, ნიკოლ ფაშინიანი BRICS-ის სამიტში მონაწილეობის მისაღებად ყაზანში ჩავიდა, - ინფორმაციას რუსული მედია ავრცელებს.

მათივე ინფორმაციით, ფაშინიანს აეროპორტში თათრეთის რესპუბლიკის ხელმძღვანელი რუსტამ მინიხანოვი დახვდა.

ოქტომბრის დასაწყისში ფაშინიანი მოსკოვში დსთ-ს სახელმწიფოთა მეთაურთა საბჭოს სხდომაზე ჩავიდა და ამ ფორუმის ფარგლებში ორმხრივი მოლაპარაკებები გამართა რუსეთის პრეზიდენტთან, რის შემდეგაც ვლადიმერ პუტინმა ის BRICS-ის სამიტზე მიიწვია.

BRICS-ის სამიტი ყაზანში 22-24 ოქტომბერს იმართება. მასში 36 ქვეყნის წარმომადგენელი მონაწილეობს.