რუსული მედიის ინფორმაციით, „ჰამასის“ პოლიტბიუროს ხელმძღვანელის მოადგილე მოსკოვში რუსეთის საგარეო საქმეთა მინისტრის მოადგილეს შეხვდა
„ჰამასის“ პოლიტბიუროს ხელმძღვანელის მოადგილე მოსკოვში რუსეთის საგარეო საქმეთა მინისტრის მოადგილეს შეხვდა, - ამის შესახებ ინფორმაციას რუსული სახელმწიფო გამოცემა „რია-ნოვოსტი“ ავრცელებს.
რუსული სახელმწიფო გამოცემის ცნობით, მუსა აბუ მარზუკმა რუსეთის საგარეო საქმეთა მინისტრის მოადგილეს, მიხაილ ბოგდანოვს სთხოვა პალესტინის ეროვნული ადმინისტრაციის პრეზიდენტს, მაჰმუდ აბასს ღაზაში ერთიანი მთავრობის შექმნის მიზნით „ჰამასთან“ მოლაპარაკებების დაწყებისკენ მოუწოდოს.
„ჩვენ პალესტინის ეროვნულ ერთიანობასთან და მთავრობის შექმნასთან დაკავშირებული საკითხები განვიხილეთ. მთავრობის შექმნასთან, რომელიც ომის შემდეგ ღაზის სექტორს უნდა მართავდეს“, - განაცხადა მუსა აბუ მარზუკმა.
