აშშ-ის სახელმწიფო მდივანმა, ენტონი ბლინკენმა კატარის ამირასთან ღაზის სექტორში ცეცხლის შეწყვეტის შეთანხმების საკითხი განიხილა, - ამის შესახებ ინფორმაციას აშშ-ის სახელმწიფო დეპარტამენტი ავრცელებს.

„მდივანმა შეიხ თამიმ ბინ ჰამად ალ-თანისთან ღაზაში ცეცხლის შეწყვეტის მიღწევისა და მძევლების გათავისუფლების განახლებული მცდელობები განიხილა“, - აცხადებს აშშ-ის სახელმწიფო დეპარტამენტი.

შეგახსენებთ, აშშ-ის სახელმწიფო მდივანი, ენტონი ბლინკენი ახლო აღმოსავლეთში ერთკვირიანი ტურის ფარგლებში იმყოფება. კატარში ვიზიტამდე აშშ-ის სახელმწიფო მდივანი ისრაელსა და საუდის არაბეთში იმყოფებოდა.