რუსეთის საოკუპაციო ძალებმა წუხელ უკრაინას 63 დრონით შეუტიეს, საჰაერო თავდაცვამ მტრის 36 დრონი გაანადგურა, 16 უპილოტო საფრენი აპარატი კი დაიკარგა, - ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

მათივე ინფორმაციით, რუსებმა Shahed-ისა და დაუდგენელი ტიპის დრონები დრონები რუსეთის ფედერაციის ორიოლის, კურსკისა პრიმორსკო-ახტარსკის მიმართულებიდან გაუშვეს.

„მტრის 36 უპილოტო საფრენი აპარატის ჩამოგდება დადასტურდა ოდესის, კიევის, ნიკოლაევის, დნეპროპეტროვსკის, ვინიცას, კიროვოგრადის, ჟიტომირის, ხმელნიცკის, ჩერკასის, ლვოვის, რივნესა და პოლტავას ოლქებში. მათი უმეტესობა ჩამოაგდეს ოდესისა და კიევის ოლქებში. გარდა ამისა, 16 რუსული დრონი გაუჩინარდა“, - აცხადებენ უკრაინის საჰაერო ძალებში.