უსერიოზულეს ბრალდებებზეა საუბარი - სხვებსაც მოვუწოდებ, რომ რეფერენდუმისთვის თქვენს ხელთ არსებული ინფორმაცია გაამჟღავნოთ, ხმამაღლა თქვით, ნუ შეგეშინდებათ. ჩვენი სამშობლო გადასარჩენია! - ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა, გიორგი ვაშაძემ განაცხადა, რითაც „ნოდარ მელაძის შაბათის“ ეთერში, „ქართული ოცნების“ საპატიო თავმჯდომარის ბიძინა ივანიშვილის წინააღმდეგ თანაინვესტირების ფონდის ყოფილ დირექტორის, გიორგი ბაჩიაშვილის ბრალდებებს გამოეხმაურა.

გიორგი ვაშაძის თქმით, ადამიანები, ვინც ბიძინას ივანიშვილის გარემოცვაში იყვნენ ძალიან კარგად ხედავენ, რამხელა საფრთხის წინაშე დგას ჩვენი ქვეყანა.

„პირველი: უსერიოზულეს ბრალდებებზეა საუბარი, რაც წინასწარ ვნახეთ. მეორე: ეს უკავშირებდა იმას, რომ ადამიანები, ვინც იყვნენ ბიძინას გარემოცვაში ძალიან კარგად ხედავენ, რამხელა საფრთხის წინაშე დგას ჩვენი ქვეყანა და ის, რომ ხვალ რეფერენდუმია. ამ რეფერენდუმში ჩუმად ყოფნის უფლება კი არავის აქვს.

სხვებსაც მოვუწოდებ, რეფერენდუმისთვის თქვენს ხელთ არსებული ინფორმაცია გაამჟღავნეთ, ხმამაღლა თქვით, ნუ შეგეშინდებათ. ჩვენი სამშობლო გადასარჩენია. ევროპისკენ უნდა წავიდეთ“,- აღნიშნა ვაშაძემ.