ზუგდიდის 67-ე საოლქო საარჩევნო კომისიის თავმჯდომარის, მირანდა მესხის განცხადებით, 12:00 საათის მონაცემებით, ზუგდიდის მუნიციპალიტეტში ამომრჩეველთა მაღალი აქტივობა ფიქსირდება. როგორც მესხმა ჟურნალისტებს განუცხადა, დაწერილია 5 პროცედურული საჩივარი, თუმცა ეს არჩევნების შედეგებზე გავლენას ვერ იქონიებს.

„ზუგდიდის საარჩევნო ოლქში რეგისტრირებული ამომრჩევლების რაოდენობა არის 116 526. 12:00 საათიანი აქტივობა არის, 23 133 ამომრჩეველი. ამ ეტაპისთვის, რეგისტრირებული საჩივრების რაოდენობა არის 5, ოლქში არის 5 საჩივარი. პროცედურებთან დაკავშირებით საჩივრებია, დამკვირვებლებს შეეხება - პროცესის ხელის შეშლის გამო გაძევების აქტები შედგა, ეს კენჭისყრის შედეგებზე გავლენას არ იქონიებს. თვითონ საუბნო სარჩევნო კომისიებში პროცესები მშვიდად და წყნარად მიმდინარეობს. ამომრჩეველთა მაღალი აქტივობა არის, უწყვეტი ნაკადი მოდის”, - განაცხადა მირანდა მესხმა.