ფოთის 70-ე საოლქო საარჩევნო კომისიის თავმჯდომარის სალომე როდონაიას ინფორმაციით, ამ დროისთვის საოლქოში სამი საჩივარია შესული.

მისი თქმით, ორი საჩივარი პროცედურულ დარღვევებს შეეხება და ადგილზევე აღმოიფხვრა. ერთი კი, უბნის გარე პერიმეტრზე არსებულ მდგომარეობას ეხება, რომელზეც რეაგირებას საოლქო კომისია განსაზღვრულ ვადაში მოახდენს.

„საოლქოში შემოვიდა სამი საჩივარი. ორი მათგანი არის პროცედურული დარღვევებით, ორივე დაიწერა საარჩევნო უბანზე და რეაგირება ადგილზე მოხდა. რაც შეეხება მესამე საჩივარს, ეს დაიწერა უშუალოდ საოლქო საარჩევნო კომისიაში, ის ეხება საარჩევნო უბნების გარე პერიმეტრს, კერძოდ კი, მიკროავტობუსებით ამომრჩევლის მობილიზება ხდება. შესაბამისად, საოლქო საარჩევნო კომისიას აქვს განსაზღვრული ვადები და შესაბამის ვადებში მოახდენს ამ საჩივარზე რეაგირებას“, - განაცხადა სალომე როდონაიამ.