ხმა ბედნიერ საქართველოს, ცვლილებებსა და კოალიციურ მმართველობას მივეცი - გავაფერადე ჩვენი ქვეყნის ევროპული მომავალი, - ამის შესახებ ”კოალიცია ცვლილებისთვის“ სიის პირველმა ნომერმა ნანა მალაშხიამ განაცხადა.

მისივე თქმით, ეს არის ისტორიული, გადამწყვეტი მნიშვნელობის არჩევნები და მასში მონაწილეობა პრივილეგია და პატივია.

“მაქვს პოზიტიური განწყობა - ცვლილებები არის გარდაუვალი.

ისტორიული, გადამწყვეტია არჩევნებია დღეს. იღებ ინდივიდუალურ პასუხისმგებლობას შენი ქვეყნის წინაშე. როგორც არასდროს ისე არის ევროკავშირის კარი ღია, ჩვენ გვჭირდება ცვლილებები და ქვეყანა დაუბრუნდება მის ევროატლანტიკურ გზაზე. დარწმუნებული ვარ ეს ასე იქნება“. - განაცხადა ნანა მალაშხიამ.