არაფერი ესაქმება სალომე ზურაბიშვილს შსს-თან, არც შს მინისტრთან, - ამის შესახებ საქართველოს პრემიერ-მინისტრმა, ირაკლი კობახიძემ განაცხადა, რითაც ეხმაურება საქართველოს პრეზიდენტის, სალომე ზურაბიშვილის განცხადებას, რომ შს მინისტრს და მის მოადგილეს ვერ უკავშირდება.

ირაკლი კობახიძის განცხადებით, საქართველო საპარლამენტო რესპუბლიკაა და სალომე ზურაბიშვილი უნდა დაემორჩილოს სუბორდინაციის სისტემას.

„ეს არის საპარლამენტო რესპუბლიკა, ამ საპარლამენტო რესპუბლიკაში არსებობს ვერტიკალი, არსებობს მთავრობა, არსებობს სისტემა, სუბორდინაციის სისტემა, ამ სისტემას პატივი უნდა სცეს სალომე ზურაბიშვილმა. ის არღვევს ხოლმე კონსტიტუციას, თუმცა ამ შემთხვევაში მას არავითარი საშუალება არ ექნება, რომ წავიდეს კანონის და კანონმდებლობის წინააღმდეგ. ძალიან მარტივადაა აქ საქმე. მთელი ამ პერიოდის განმავლობაში სალომე ზურაბიშვილი ახალისებდა ძალადობას და ახლა ამისი ნიანგის ცრემლები ბუნებრივია არავისთვის არ არის საინტერესო“, - განაცხადა ირაკლი კობახიძემ.