რუსეთისა და ჩრდილოეთ კორეის უკანონო სამხედრო თანამშრომლობა საერთაშორისო თანამეგობრობისთვის მნიშვნელოვან საფრთხეს წარმოადგენს, - ამის შესახებ სამხრეთ კორეის პრეზიდენტმა, იუნ სუკ იოლიმ განაცხადა.

„რუსეთსა და ჩრდილოეთ კორეას შორის ეს უკანონო სამხედრო თანამშრომლობა საერთაშორისო თანამეგობრობისთვის მნიშვნელოვან საფრთხეს წარმოადგენს და შესაძლოა ჩვენს ეროვნულ უსაფრთხოებას სერიოზული საფრთხე შეუქმნას“, - განაცხადა იუნ სუკ იოლიმ.

მისივე თქმით, რუსეთისა და ჩრდილოეთ კორეის თანამშრომლობა „წესებზე დაფუძნებულ საერთაშორისო წესრიგს ძირს უთხრის და კორეის ნახევარკუნძულზე მშვიდობას საფრთხეს უქმნის“.

„მაშინ, როცა უკრაინაში ომი მესამე წელია გრძელდება, ჩრდილოეთ კორეა რუსეთს არა მხოლოდ იარაღს აწვდის, არამედ იქ ჯარებიც განათავსა“, - აღნიშნა სამხრეთ კორეის პრეზიდენტმა.