ჩვენ 26 ოქტომბერს დაბადების დღე არ გვქონია, რომ მილოცვებს და ტორტებს ველოდოთ, - ასე უპასუხა პარლამენტის თავმჯდომარე შალვა პაპუაშვილმა ჟურნალისტის კითხვას, რამდენმა ქვეყანამ მიულოცა “ქართულ ოცნებას“ პარლამენტის არჩევნებში გამარჯვება და რამდენი ქვეყნისგან მიიღეს მათ აღიარება.

როგორც პაპუაშვილმა აღნიშნა, “ქართულ ოცნებას“ გამარჯვება მილიონ 120 ათასმა ამომრჩეველმა მიულოცა.

“თქვენ შეიძლება გგონიათ, რომ ტორტი უნდა გაჭრათ და სანთლები ჩააქროთ. ასეთი განწყობები იყო თქვენს (ოპოზიციის) ოფისებში ეგზიტპოლის ყალბი შედეგების გამოქვეყნების შემდეგ, მაგრამ სინამდვილეში ვინც იზეიმა და ვინც მოგვილოცა, არის მინიმუმ მილიონ 120 ათასი ქართველი ამომრჩეველი და სხვა ქართველები, რომლებიც ამ არჩევანით არიან გახარებული. ეს არჩევნები ნიშნავს, რომ მომდევნო 4 წლის განმავლობაში ქვეყანა ქართველი ხალხის ინტერესით იმოქმედებს და არა სხვათა ინტერესით“, - განაცხადა შალვა პაპუაშვილმა.